سێیه‌م هه‌وڵی ئێران له هه‌ڵدانی مانگی ده‌ستكرد بۆ بۆشایی ئاسمان شكستی هێنا.
به‌پێی ئه‌و وێنه ئاسمانیانه‌ی كه رادیۆ نیشتیمانی ئه‌مه‌ریكا ناسراو به ئێن پی ئاڕ بڵاویكردووه‌ته‌وه و له كۆمپانیای پێلێنێتی ئه‌مه‌ریكی تایبه‌ت به بۆشایی ئاسمان ده‌ستی كه‌وتوون، ده‌رده‌كه‌وێت ئه‌و مووشه‌كه ئیرانییه‌ی كه ئه‌ركی گه‌یاندنی مانگه ده‌ستكرده‌كه‌ی هه‌بووه بۆ بۆشایی ئاسمان، هه‌ر له قۆناغی سه‌ره‌تاییدا و له سه‌ر زه‌وی تووشی كێشه بووه‌ته‌وه هه‌وڵه‌كه‌ش شكستی هێناوه.
وه‌ك له وێنه‌كاندا ده‌رده‌كه‌وێت وێنه‌ی ده‌روووبه‌ری سه‌كۆی هه‌ڵدانی مووشه‌كه‌كه ره‌ش هه‌ڵگه‌ڕاوه و پێده‌چێت به‌ر له به‌رزبوونه‌وه‌ی مووشه‌كه‌كه بۆ ئاسمان ته‌قیبێته‌وه.
لای خۆشیه‌وه‌ی محه‌مه‌د جه‌واد ئازه‌ری جه‌هرۆمی وه‌‌زیری گه‌یاندن و ته‌كنه‌لۆژیای ئێران ئه‌م هه‌واڵه‌ی ره‌تكردوه‌ته‌وه و له تویتێكدا رایگه‌یاند: مووشه‌كه‌كه زیانی به‌رنه‌كه‌وتووه و له ئێستادا له تاقیگه‌كه‌یانه و رۆژنامه‌نووسان ده‌توانن راستی ئه‌وه بۆ خه‌ڵك بگوازنه‌وه.
کۆمێنت (0)
تا ئێستا هیچ کۆمێنتێک نەکراوە.