Erbil 15°C پێنجشەممە 28 ئازار 14:05

کتێبی (باڵنده‌کانی گیرفانی تاڤگه‌) بڵاوکرایه‌وه‌

خوێندنه‌وه‌ی شیعره‌كانی زۆر سه‌رنجڕاكێش و شیرین بوون
کوردستان TV
100%

دوێنێ ئێواره‌  پێنج شه‌ممه‌ ڕێكه‌وتی ۲٠۱۸/۱۱/۲۹؛ یه‌كێتیی نووسه‌رانی كورد/ لقی هه‌ولێر كۆڕێكی بۆ ناهیدی حوسه‌ینی به‌ ناوونیشانی ( باڵنده‌كانی گیرفانی تاڤگه‌) ساز كرد كه‌ ناوونیشانی ئه‌و كۆشیعره‌ چاپكراوه‌یه‌تی كه‌ له‌ كۆڕه‌كه‌ی به‌سه‌ر ئاماده‌بوواندا دابه‌شی كرد ؛ چه‌ند شیعرێكیشی له‌و كۆشیعره‌ هه‌ڵبژارد و بۆ ئاماده‌بووانی خوێندنه‌وه‌؛ پاشان باسێكی زۆر چڕ و پڕی ئه‌زموونی شیعرنووسینی خۆشی كرد.

ئازاد عه‌بدلواحید سه‌رنوسه‌ری رامان ده‌ڵێت: ده‌مێكه‌ من به‌ شیعره‌كانی ئه‌م خاتوونه‌ ئاشنام ؛ ژماره‌یه‌كیش له‌ شیعره‌كانی له‌ گۆڤاری ڕامان ـدا بڵاوكراونه‌ته‌وه‌ ؛ ئه‌مڕۆ دوای (۲۲) ساڵ ئه‌زموونی شیعرنووسین كۆی شیعره‌كانی له‌ ۱٥۳ لاپه‌ڕه‌دا خسته‌ به‌رده‌ستی خوێنه‌ره‌كانی هه‌روه‌ها ده‌ڵێت: خوێنه‌ر كه‌ به‌ وردی سه‌رنجی ئه‌و شیعرانه‌ ده‌دات هه‌ست ده‌كات ئاستی هونه‌ری و ته‌كنیكییان ساڵ دوای ساڵ ڕووی له‌ هه‌ڵكشانه‌.. هه‌رگیز حیكمه‌تی شاعیرایه‌تیش به‌ زۆر نووسین پێوانه‌ ناكرێ ؛ با دڵی له‌ خۆی دانه‌مێنێ.

ڕاستییه‌كه‌ی كوردییه‌ ڕه‌وانه‌كه‌ی و شێوازی خوێندنه‌وه‌ی شیعره‌كانی زۆر سه‌رنجڕاكێش و شیرین بوون.. به‌هیوای به‌رده‌وامی له‌ پێناوی نووسینی شیعری جوان.

كوردستان تیڤی/ كامران

چاپکراوه‌کان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.