له به‌یاننامه‌یه‌كدا، وه‌زاره‌تی ته‌ندروستی عێراق ئاماری قوربانیانی خۆپیشاندانه‌كانی پارێزگای به‌سره‌ی راگه‌یاند، كه به‌پێی ئاماره‌كه، خۆپیشاندانه‌كانی به‌سره زیاتر له 200 كوژراو و برینداری لێكه‌وتووه‌ته‌وه.
له‌به‌شێكی به‌یاننامه‌كه‌دا ئاماژه به‌وه‌كراوه، له خۆپیشاندانه‌كانی پێنج رۆژی پارێزگای به‌سره دا 15 كه‌س كوژراون و 190 كه‌سیش بریندار بوون، له‌نێو برینداره‌كانیشدا جگه له خه‌ڵكی مه‌ده‌نی، هێزه ئه‌منییه‌كانیش هه‌ن.
له‌به‌شێكی تری به‌یاننامه‌كه‌دا هاتووه" ته‌نها له خۆپیشاندانه‌كانی ڕۆژی پێنجشه‌ممه‌ی ڕابردووی پارێزگای به‌سره‌دا، هاوڵاتییه‌ك كوژراوه و 35ی دیكه‌ش بریندار بوون، برینداره‌كانیش 24 كه‌سیان مه‌ده‌نین و 11 كه‌سیشیان ئه‌ندامی هێزه ئه‌منییه‌كانی به‌سره‌ن.
کۆمێنت (0)
تا ئێستا هیچ کۆمێنتێک نەکراوە.