عه‌لی ئه‌حمه‌د ساڵح، جێگری فڕۆكه‌وانی له‌سه‌ر هێلی نه‌جه‌ف - مهشههد و به‌غدا، ئاشكرای كردووه كه هۆكاری شه‌ڕه‌كه‌ی نێوان ئه‌وو كاپتنه‌كه‌ی له‌سه‌ر ژه‌مه‌كانی خواردن بووه.
هه‌روه‌ها ده‌ڵێت: دوای كاتژمێرێك له هه‌ڵسان له فڕۆكه‌خانه‌ی مهشههد شه‌ڕه جنێو له‌گه‌ڵ كاپتن ره‌عد محه‌مه‌د یه‌عقوب به هۆی ژه‌مه‌كانی خواردن روویدا و ده‌نگمان به‌رزبوویه‌وه كار گه‌یشته ئه‌وه‌ی لێم بدات و یه‌كێك له پاسه‌وانه‌كانی نێو فڕۆكه‌كه هاته نێوانمان و كۆتایی به‌شه‌ڕه‌كه هێنا.
هه‌روه‌ها گوتیشی: به‌ڵام دوای نیشتنه‌وه‌ی فڕۆكه‌كه‌مان له فڕۆكه‌خانه‌ی نێوده‌وڵه‌تی به‌غدا ،جارێكی دیكه كاپتن ره‌عد هێرشی كرده‌وه سه‌رم و جنێوی پێدام، منیش به‌رگری له‌خۆم كردو وه‌ڵامم دایه‌وه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.