فڕۆکه‌ جه‌نگییه‌کانی تورکیا له‌ بۆردومانکردنی ده‌ڤه‌ری سیده‌کان به‌رده‌وامن

هێلیكۆپته‌ره‌ جه‌نگییه‌كانی سوپای توركیا چیای دێل و گه‌روی سێگركاو كه‌وه‌ت له‌ده‌ڤه‌ری سیده‌كان بۆردومانكرد .

په‌یامنێرمان مه‌هدی داود پێی راگه‌یاندین شه‌وی رابردوو كاتژمێر 10 و 10 خوله‌ك هێلیكۆپته‌ره‌ جه‌نگییه‌كانی سوپای توركیا چیای دێل و گه‌روی سێگركاو كه‌وه‌ت له‌ده‌ڤه‌ری سیده‌كانیان بۆردومان

كرد .

گوتیشی: به‌هۆی بۆردومانه‌كه‌  ئاگر له‌ ده‌وروبه‌ری چیادێل و دارستان و پاوانی گونده‌كانی ناومێرگان و كونه‌له‌ كه‌وتۆته‌وه‌.

له‌م هه‌فته‌یه‌ ئه‌مه‌ بۆجاری سێیه‌مه‌ فڕۆكه‌و هێلیكۆپته‌ره‌كانی  سوپای توركیا به‌بیانوی هه‌بوونی بنكه‌و باره‌گاكانی په‌كه‌كه‌ چیادێل و چیای شه‌كیو له‌ ده‌ڤه‌ری سیده‌كان بۆردمان ده‌كه‌ن .