ئەمڕۆ وادەى تۆمارکردنى ناوى قەوارە سیاسییەکان بۆ هەڵبژاردنى پەرلەمانى کوردستان به‌کۆتا دێت

ئەمڕۆ پێنج شه‌ممه‌ 7 ى حوزه‌یرانى 2018 ،  وادەى تۆمارکردنى ناوى قەوارە سیاسییەکان بۆ هەڵبژاردنى پەرلەمانى کوردستان  به‌کۆتایی دێت 

شۆڕش حەسەن بەرپرسى ڕاگەیاندن و پەیوەندییەکانى کۆمسیۆنى باڵاى سه‌ربه‌خۆى  هەڵبژاردن و راپرسی هەرێمی كوردستان به‌كوردستان تى ڤى  رایگەیاند،  ئه‌مرۆ كۆتا ڕۆژی پڕۆسەى تۆمارکردنى ناوى قەوارە سیاسییەکانه‌  بۆ بەشداریان لەهەڵبژاردنى پەرلەمانى کوردستان کە 27 ـ 5 - 2018 تۆماری قه‌واره‌كان  دەستیپێکرد و ئەمڕۆش ئەو پڕۆسەیە کۆتایی دێت.

شۆڕش حەسەن  ڕاشیگه‌یاند : تا ئه‌مڕۆ زیاتر لە ٢٠ قەوارە  و لایه‌ن ناوى خۆیان تۆمار كردووه‌ بۆ به‌شداریان له‌هه‌ڵبژاردنى په‌رله‌مانى كوردستان ، دوای ماوه‌ى به‌كۆتاهاتنه‌كه‌شى  ناوەکان بۆ ئەنجومەنى کۆمسیاران بەرزدەکرێنەوە بۆ پەسەندکردنی ناوى قه‌واره‌كان .

ناوبراو ڕاشیگه‌یاند له‌به‌رواری  18 ى 6 - تاوه‌كو 20 - 6- 2018  تۆماركردن و راستاندنى ناو هاوپه‌یمانێتیه‌كانه‌ به‌پێى ڕێنماییه‌كانى كۆمسیۆنى باڵاى سه‌ربه‌خۆى هه‌ڵبژاردن و راپرسى هه‌رێمى كوردستان 

هه‌ڵبژاردنى په‌رله‌مانى كوردستان له‌  ٣٠ـى ئەیلولى ئەمساڵ به‌ڕێوه‌ده‌چێت . 

شوان عه‌زیز