ئەمرۆ بەیانی ژنێک بە مردووی لە ماڵەکەی دۆزرایەوە و گوتەبێژی پۆلیس دەڵێت لە کاتی رووداوەکە هاوسەرەکەی لەماڵ بووە.
ئەمرۆ چوارشەممە 9ی نیسانی 2025، ئاکام قوتبەدین،بە دیجیتاڵ میدیای کوردستان تیڤی ڕاگەیاند: ئەمرۆ کاتژمێر 9ی بەیانی تیمەکانی پۆلیس ئاگادار کراینەوە کەوا لەگەڕەکی سەرا ژنێک لە ناو ماڵەکەی خۆیدا بە مردووی دۆزراوەتەوە،
وەک گوتەبێژ دەڵێت: تیمەکامان راستەوخۆ گەشتنە شوێنی رووداوەکە، لە کاتی لێکۆڵینەوەکان ئاسەواری فیشەک بەسەری ژنەکەوە بینرا ڕاستەوخۆ رەوانەی پزیشکی داد کرا.
گوتیشی:تا ئێستا لێکۆڵینەوە لە بابەتەکە دەکرێت، هێشتان بۆ هیچ لایەنێک روننەبووەتەوە ئایە روداوەکە خۆکوژییە یان کوژراوە.
ژنەکە تەمەنی ٣٧ ساڵە و خێزاندارە خاوەنی سێ منداڵە ئەمڕۆ سەر لەبەیانی بە مردووی دۆزرایەوە.
کۆمێنت (0)
تا ئێستا هیچ کۆمێنتێک نەکراوە.