له ئه‌نجامی هه‌ڵه‌یه‌كدا ده‌نگی حه‌یده‌ر عه‌بادی له هه‌ڵبژاردنه‌كان هه‌ژمار ناكرێت و پووچه‌ڵ ده‌كرێته‌وه.
عادل لامی، سه‌رۆكی پێشووتری كۆمسیۆنی باڵای سه‌ربه‌خۆی هه‌ڵبژاردنه‌كان له میانه‌ی دیدارێكی ته‌له‌فزیۆنیدا ڕایگه‌یاندووه: كاتێك حه‌یده‌ر عه‌بادی، سه‌رۆكی لیستی نه‌سرو سه‌رۆك وه‌زیرانی عێراق ده‌نگی داوه، به شێوازێكی هه‌ڵه فۆرمی ده‌نگدانه‌كه‌ی خستۆته نێو سندووقه‌كه‌وه.
هه‌روه‌ها گوتی : كاتێك حه‌یده‌ر عه‌بادی ده‌نگی داوه فۆرمه‌كه‌ی به‌سه‌ره‌وگێڕی خستووه‌ته نێو سندوقی هه‌ڵبژاردنه‌وه، هه‌ڵه‌كه‌ش له بێ ئاگایی و نه‌شاره‌زایی كارمه‌ندانی ئه‌و بنكه‌یه روویداوه.
شایانی باسه له رێنماییه‌كانی كۆمسیۆنی باڵای سه‌ربه‌خۆی هه‌ڵبژاردنه‌كانی عێراقدا هاتووه كه هه‌ر فۆرمێك به‌سه‌ره‌وگێڕی بخرێته نێو ئه‌و ئامێره‌ی كه له‌سه‌ر سندوقی ده‌نگدان راگیركراوه، ئاوا ئامێره‌كه ئه‌و فۆرمه ناخوێنێته‌وه و ده‌نگی ئه‌و كه‌سه هه‌ژمار ناكرێت .
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.