هه‌ردوو سه‌ركرده‌ی ره‌وتی سه‌در و حیكمه‌ی نیشتمانی، رێككه‌وتن له‌سه‌ر پێكهێنانی حكومه‌تێكی به‌هێزی ته‌كنۆكراتی دوور له تایفه‌گه‌ری و جه‌ختیانكرده‌وه ده‌رگاكانیان واڵایه بۆ سه‌رجه‌م پارت و لایه‌نه سیاسییه‌كان.
عه‌ممار حه‌كیم، سه‌رۆكی ره‌وتی حیكمه و موقته‌دا سه‌در، سه‌رۆكی ره‌وتی سه‌در و هاوپه‌یمانی سائیروون، كۆبوونه‌وه و پرسی پێکهێنانی حكومه‌تیان تاوتوێکرد.
هه‌ردوو سه‌ركرده ئاشكرایان كرد، رێككه‌وتوون له‌سه‌ر پێكهێنانی حكومه‌تێكی به‌هێزی ته‌كنۆكراتی دوور له تایفه‌گه‌ری و، جه‌ختیشیان كرده‌وه ده‌رگاكانیان واڵایه بۆ سه‌رجه‌م پارت و لایه‌نه سیاسییه‌كان.
سه‌در وتى"سه‌رقاڵی پێكهێنانی ده‌وڵه‌تی باوكایه‌تیین، تاكه‌كانیان له ته‌كنۆكرات و كه‌سانی خاوه‌ن پسپۆڕ و شاره‌زا پێكدێن".
لای خۆیه‌وه عه‌ممار حه‌كیم، داوای له كۆمیسیۆنی باڵای سه‌ربه‌خۆی هه‌ڵبژاردنه‌كان كرد به‌جددی سەیری ئەو تانانە بکات، کە پێشكه‌شكراون له‌باره‌ی ساختەکارییەکانی هەڵبژاردن.
کۆمێنت (0)
تا ئێستا هیچ کۆمێنتێک نەکراوە.