له نوێترین به‌رهه‌می هونه‌ری خۆیدا كه بریتییه له سروودێك له سه‌ر هه‌ڵبژاردن گۆرانیبێژی تازه پێگه‌یشتووی كورد " نوپێل هه‌ژان " داوا له هاوڵاتیان ده‌كات به ده‌نگه‌كانیان مافی ره‌وای خۆیان داوا بكه‌ن .
ئه‌م خانمه ئه‌مرۆ سێشه‌ممه تازه‌ترین به‌رهه‌می هونه‌ری خۆی له ژێر ناوی " سروودی ده‌نگدان " بڵاوكرده‌وه ، ئه‌م به‌رهه‌مه تازه‌ی " هه‌ژان " له تێكستی " خۆشناو تیلۆ " یه و ئاوازه‌كه‌شی له لایه‌ن ئاوازدانه‌ری كورد " هه‌ڵكه‌وت زاهیر" ئاماده‌كراوه و دابه‌شكردنی مۆسیقاكه‌ی له لایه‌ن ئاریۆس كاری بۆ كراوه و " كاوه شێخ " یش كاری تۆن ماسته‌ری بۆ ئه‌نجامداوه .
له‌م سرووده دا " نوپێل هه‌ژان " خه‌لك هانده‌دات بۆ ئه‌وه‌ی بچنه سه‌ر سندووقه‌كانی ده‌نگدان و به شێوازێكی جوان و یاسایی داوای مافه‌كانی خۆیان بكه‌ن و به ده‌ستی بێنن .
جێ ی ئاماژه پێكدنه ، ئه‌م سرووده له كوردستان كاری میوزیك و كلیپی بۆ كراوه .
کۆمێنت (0)
تا ئێستا هیچ کۆمێنتێک نەکراوە.