سه‌رۆكی ئه‌نجومه‌نی نوێنه‌رانی عیراق رایگه‌یاند كه هێشتا نه‌توانراوه دیارده‌ی گه‌نده‌ڵی بنەبڕ بکرێت، داواشی له عیراقییه‌كان كرد له رۆژی هه‌ڵبژاردندا و له پێناو گۆڕانكاریدا "خۆپیشاندانی ملیۆنی" ئه‌نجام بده‌ن.
ئه‌مڕۆ شه‌ممه سه‌لیم جبوری سه‌رۆكی ئه‌نجومه‌نی نوێنه‌رانی عیراق له میانی كۆنگره‌ی باقره‌ین له وتارێكدا گوتی: "داواكاری گۆڕانكاری كه عیراق هه‌وڵی بۆ ده‌دات پێویستی به گۆڕانكارییه‌كی ریشه‌یی هه‌ڵبژاردن هه‌یه، هه‌روه‌ها تا ئێستا عیراق نه‌یتوانیوه دیارده‌ی گه‌نده‌ڵی نه‌هێڵێت و بنەبڕ بکرێت".
جبوری داواشی له عیراقییه‌كان كرد له رۆژی هه‌ڵبژاردنی ئه‌نجومه‌نی نوێنه‌راندا خۆپیشاندانی ملیۆنی ئه‌نجام بده‌ن له‌پێناو گۆڕانكاریدا.
بڕیارە هەڵبژاردنی پەرلەمانی عیراق 12ی ئایاری ئەمساڵ بەرێوەبچێت و 88 لیست و هاوپەیمانی كێبڕكێی بەدەستهێنانی 329 كورسی دەكەن، كە بە سەر پارێزگاكاندا دابەشكراوە و 24 ملیۆن كەسیش مافی دەنگدانیان لە پڕۆسەکەدا هەیە.
کۆمێنت (0)
تا ئێستا هیچ کۆمێنتێک نەکراوە.