سانچێز سه‌رکه‌وتنى به‌خشى به‌یانه‌که‌ى له‌به‌رامبه‌ر سوانزی سیتى

یانه‌ى مانچسته‌ر یونایتد سه‌ركه‌وتنى به‌سه‌ر  سوانزى سیتى تۆماركرد له‌میانى به‌ڕێوه‌چوونى یاریه‌كانى هه‌فته‌ى 32ى خولى نایابى ئینگلیزى ، مانچسته‌ر یونایتد كه‌براوه‌ى یاریه‌كه‌ بوو به‌دوو گۆلى بێ به‌رامبه‌ر یاریه‌كه‌ى به‌كۆتا هێنا 

رۆمیلۆ لۆكاكۆ و ئه‌لێكس سانچێز سه‌ركه‌وتوانه‌ دووگۆلیان بۆ یانه‌كه‌یان تۆمار كرد له‌یاریه‌كه‌دا له‌به‌رده‌م هه‌وادار و یاریگاكه‌یان  ،كه‌تێیدا سانچێزى هێرشبه‌ر ڕۆڵێكى باشى بینى له‌سه‌ركه‌وتنى یانه‌كه‌ى له‌یاریه‌كه‌دا ،  له‌به‌رامبه‌ر یانه‌ى سوانزی سیتى له‌یاریه‌كه‌ نه‌یتوانى ئه‌نجامى یاریه‌كه‌ ڕاست بكاته‌وه‌ به‌تۆمارى گۆل به‌شكست یاریگاى جێهێشت .
گۆله‌كانى مانچسته‌ر له‌خوله‌كه‌كانى  5 ، 20 له‌تایمى یه‌كه‌مى یاریه‌كه‌ تۆمار كرا ، یاریش به‌كۆتا هات به‌و دووگۆله‌ى مانچسته‌ر .

به‌و ئه‌نجامه‌ش یانه‌ى مانچسته‌ر یونایتد خاڵه‌كانى به‌رزكرده‌وه‌ بۆ 68 خاڵ له‌پله‌ى دووه‌مى ڕیزبه‌ندى خوله‌كه‌یه‌  ، له‌به‌رامبه‌ر  ستوانزی سیتى له‌پله‌ى پازده‌م دایه‌ به‌ 31 خاڵ 

شوان عه‌زیز