پۆلیسی سلێمانی ده‌ستگیركردنی سێ باندی دزینی ی ئۆتۆمبیل ڕاگه‌یاند كه له لایه‌ن هێزه‌كانی پۆلیسی نه‌هێشتنی تاوانی سه‌ر به به‌ڕێوه‌به‌رایه‌تی پۆلیسی سلێمانییه‌وه ده‌ستگیركراون.
له كۆنگره‌یه‌كی رۆژنامه‌وانیدا له به‌ڕێوبه‌رایه‌تی پۆلیسی پارێزگای سلێمانی به‌ئاماده‌بوونی هه‌ریه‌ك له عه‌قید سه‌ردار مه‌حمود ، به‌ڕێوه‌به‌ری به‌شی ڕاگه‌یاندن و په‌یوندییه‌كانی پۆلیسی سلێمانی و مقه‌ده‌م ئه‌كره‌م قادر، به‌ڕێوبه‌ری به‌شی پۆلیسی نه‌هێشتنی تاوان له سلێمانی و نه‌قیب ئاسۆ عومه‌ر، ئه‌فسه‌ر له‌به‌شی ڕاگه‌یاندن و په‌یوه‌ندییه‌كانی پۆلیسی پارێزگای سلێمانی ،ده‌ستگیركردنی سێ باندی دزینی ی ئۆتۆمبیل ڕاگه‌یه‌نرا كه له لایه‌ن هێزه‌كانی پۆلیسی نه‌هێشتنی تاوانی سه‌ر به به‌ڕێوه‌به‌رایه‌تی پۆلیسی سلێمانییه‌وه ده‌ستگیركراون و توانراوه ته‌واوی تۆمه‌تباره‌كانیش ده‌ستگیربكرێن.
له‌و كۆنگره ڕۆژنامه‌وانیه‌دا موقه‌ده‌م ئه‌كره‌م قادر ڕایگه‌یاند: هێزه‌كانی پۆلیسی پارێزگای سلێمانی ده‌ستیان به‌سه‌ر ته‌واوی ئۆتۆمبیله دزراوه‌كاندا گرتووه , جه‌ختیشكرده‌وه كه‌خۆشبه‌ختانه دزینی ئۆتۆمبێل له سنووری سلێمانی چه‌ند حاڵه‌تێكه و نه‌بۆته دیارده.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.