به‌پێى هه‌واڵێكى روسیا الیوم به‌رپرسێكى هه‌واڵگرى عێراقى ڕایگه‌یاندووه، هێزه‌كانیان عوسمان خالد الامینى به‌رپرسى یه‌كه‌مى ئاژانسى ئه‌عماقیان ده‌ستگیر كردووه.
راید عبدالعزیز المعازیدى له ده‌زگاى ئه‌منى عێراق وتویتى: رۆژى یه‌ك شه‌ممه 3ى ئادارى 2018، به‌رپرسى یه‌كه‌مى ئاژانسى ئه‌عماقى سه‌ر به داعشیان ده‌ستگیركرد و دوابه‌دواى ده‌ستگیركردنى به‌رپرسه‌كه‌ى داعش، زانیارى وردى دركاندووه و به‌هۆیه‌وه 6 هاوكارى ترى ده‌ستگیركراون.
ئاژانسى ئه‌عماق، له‌ساڵى 2014 و دواى به‌هێز بوونى داعش ده‌ستى به كاره‌كانى كرد و به درێژایى ئه‌و ماوه‌یه كارو چالاكییه‌كانى داعشى و گرته ڤیدیۆى كوشتنیان بۆ جیهان ڕووماڵ ده‌كرد.
کۆمێنت (0)
تا ئێستا هیچ کۆمێنتێک نەکراوە.