ئه‌مڕۆ یه‌ك شه‌ممه له‌راگه‌یاندراوێكى فه‌رمى یه‌كێتى تۆپى پێى هۆڵه‌ندا هاتووه ، یه‌كێك له‌ئه‌ستێره‌كانمان له‌هه‌ڵبژارده‌ى وڵات بڕیارى وازهێنانى دا له‌یارى كردن .
شنایده‌ر دوایی ساڵانێكى درێژ له‌یارى كردن ڵه‌گه‌ڵ هه‌ڵبژارده‌ى وڵاته‌كه‌ى بڕیارى وازهێنانى داوه
یه‌كێتیه‌كه ڕاشیگه‌یاندووه له‌سه‌ر بڕیارى وازهێنانى شنایده‌ر ڕێز له‌و ئه‌ستێره‌یه ده‌گرین له‌بۆنه‌یه‌كى تایبه‌تدا به‌ئاماده‌بوونى ته‌واوى تیم و ستافى راهێنه‌ران و ئه‌ستێره‌كانى هه‌ڵبژارده‌ى هۆڵه‌ندا پاش پێشكه‌ش كردنى خزمه‌تێكى به‌رچاو و ڕۆڵێكى گرنگى خودى ئه‌م یاریزانه كه‌پێشكه‌شى هه‌ڵبژارده‌ى وڵاته‌كه‌ى كردووه .
له‌لایه‌كى دیكه‌وه له‌سه‌ر بڕیارى وازهێنانى ئه‌م ئه‌ستێره‌یه ڕۆناڵد كیۆمانى راهێنه‌رى هه‌ڵبژارده‌ى هۆڵه‌ندا ڕایگه‌یاند : ئه‌و ئه‌ستێره‌یه یاریزانێكى دیار و پێگه‌ى باشترین بوو له‌گه‌ڵ هه‌ڵبژارده‌كه‌ى ئێمه ڕێزى بڕیاره‌كه‌ى ده‌گرین له‌وازهێنانى ، ئیدى كاتى ئه‌وه‌ش هاتووه ئه‌م هه‌ڵبژارده‌یه ده‌رفه‌تى زیاتر بدات به‌لاوان له‌پێناو نوێبوونه‌وه‌ى هه‌ڵبژارده‌كه له‌پێناو ئه‌نجامى باش له‌پاڵه‌وانێتیه‌كان
شنایده‌ر 15 ساڵ یارى بۆ وڵاته‌كه‌ى ئه‌نجامداوه ، له‌و ماوه‌یه‌دا به‌شدارى له 133 یاری دا كردووه و وه‌ڵه‌گه‌ڵ هه‌ڵبژارده‌ى وڵاته‌كه‌شى 31 گۆلى تۆمار كردووه ، یاریزانى ناوبراو له‌ئێستادا له‌ڕیزى یانه‌ى غه‌ڕافه‌ى قه‌ته‌رى یارى ده‌كات له‌ته‌مه‌نى 33 ساڵیدایه
ئاماده‌كردن : شوان عه‌زیز
کۆمێنت (0)
تا ئێستا هیچ کۆمێنتێک نەکراوە.