روانگه‌ی مافی مرۆڤی عێراق رۆژی هه‌ینی به‌یاننامه‌یه‌كی بڵاو كرده‌وه و رایگه‌یاند: كه لاشه‌ی 40 كه‌س له ناوچه وێرانبووه‌كان له ژێر داروبه‌رد و خانوو و ئاواییه رووخاوه‌كان ده‌رهێنراون.
روانگه‌ی مافی مرۆڤی عێراقی له به‌یاننامه‌كه‌یاندا ئاماژه‌ی به‌وه داوه كه لاشه‌ی 40 كه‌سییان له ناوچه‌كانی ئه‌لقه‌لیعات و ئه‌لته‌والب دوزراونه‌ته‌وه، هه‌روه‌ها ئاماژه‌ییان به‌وه داوه كه تا ئێستا ژماره‌یه‌ك له كوژراوانی ئوپه‌راسیۆنی رزگار كردنی موسڵ له به‌ره‌ی راستی موسڵ له ژێر دار و به‌ردی خانووه روخاوه‌كان ده‌رنه‌هێنراون.
روانگه‌ی مافی مرۆڤ ئه‌وه‌شی ئاشكرا كرد كه ئه‌و 40 لاشه‌یه‌ی دوزراونه‌ته‌وه سه‌ر به رێكخراوی تیرورستی داعش بوون له جل و به‌رگه‌كانییان دیار بوون كه ئه‌وان سه‌ر به داعشن .
سه‌رچاوه پزیشكیه‌كانیش پێشبینی ئه‌وه ده‌كه‌ن كه 500 تا 600 لاشه تا ئێستا له ناوچه‌ی موسلی كۆن هه‌بن .
کۆمێنت (0)
تا ئێستا هیچ کۆمێنتێک نەکراوە.