دوای ئه‌وه‌ی كه رۆژی شه‌ممه‌ی ئه‌م هه‌فته‌یه ماڵپه‌ڕی چه‌ندین رۆژنامه‌ی ناوخۆی ئێران وه‌ك به‌رپرسانی ئه‌م وڵاته ده‌ڵێن هاك كران و هه‌واڵی مه‌رگی عه‌لی خامه‌نه‌ئی رێبه‌ری ئه‌م وڵاته‌یان له‌سه‌ر ماڵپه‌ڕه‌كان دانا، ده‌زگا ئه‌منییه‌كانی ئێران دوای لێكۆڵینه‌وه رایانگه‌یاندووه كه ئه‌م ماڵپه‌ڕانه له‌لایه‌ن ئه‌مریكا و به‌ریتانیاوه هاك كراون.
رۆژی شه‌ممه ماڵپه‌ڕی رۆژنامه‌ی " قانون " و " ستاره صبح " و " ارمان " هه‌واڵ مه‌رگی عه‌لی خامه‌نه‌ئی رێبه‌ری كۆماری ئیسلامیی ئێرانیان بڵاوكردوه، ماوه‌یه‌كی كه‌م دوای ئه‌م رووداوه، ماڵپه‌ڕه‌كان.
له‌سه‌ر تۆڕی ئینته‌رنێت ناكارا كران و له‌سه‌ر شاشه‌كه‌یان نووسرا كه له‌لایه‌ن هاككه‌رانه‌وه هاك كراون و ئه‌و هه‌واڵه‌ی له‌سه‌ریان دانراوه درۆ بووه.
رۆژی رابردووش تیمی لێكۆڵینه‌وه‌ی ده‌زگا ئه‌منییه‌كانی ئه‌م وڵاته رایانگه‌یاند كه ئه‌م چه‌ند ماڵپه‌ڕه ئاستی ئه‌منییان له‌خواره‌وه بووه و هه‌ر به‌م هۆیه‌وه له‌لایه‌ن ئه‌مریكا و به‌ریتانیاوه هاك كراون.
سه‌رچاوه / رادیۆ فه‌ردا
مه‌سعود / كوردستان تی ڤی
کۆمێنت (0)
تا ئێستا هیچ کۆمێنتێک نەکراوە.