جێگری سەرۆکی لیژنەی ئاسایش و ناوخۆ لە پەرلەمانی کوردستان ده‌ڵێت، یه‌كشه‌ممه‌ی دابێ پڕۆژه‌یاسای لێبوردنی گشتی تاوتوێ ده‌كرێت، كه به هۆیه‌وه چاره‌نووسی ژمارەیەکی زۆری زیندانیان یه‌كلا ده‌بێته‌وه.
نازم ھەرکی جێگری سەرۆکی لیژنەی ئاسایش و ناوخۆ لەپەرلەمانی کوردستان ڕایگه‌یاند، لیژنەی مافی مرۆڤ و یاسایی و ئاسایش و ناوخۆ چەندین کۆبوونەوەیان كردووه بۆ ئامادەکردنی راپۆرت لەبارەی پڕۆژەیاسای لێبوردنی گشتییه‌وه، چه‌ندان دادوەر و کەسانی شارەزایش بانگهێشت ده‌كه‌ن بۆ ئەوەی ڕای ئەوانیش له‌باره‌ی پڕۆژه‌یاساكه‌یانه‌وه وەرگرن و بڕیاریش وایه سەرەتای هەفتەی دابێت راپۆرتی خۆیان لەوباره‌وه ئامادە بكه‌ن.
ناوبراو رایگەیاند" بڕیاره یه‌كشه‌ممه‌ی دابێ پەرلەمانی کوردستان کۆ ببێتەوە و تێیدا گفتوگۆ لەبارەی ئەو پڕۆژەیاسایه بکرێت و پەسەندی بکەن و ببێتە یاسا و جێبەجێ بکرێت.''
هه‌روه‌ها راشیگەیاند'' بەپێی ئەو پڕۆژەیاسایە ژمارەیەکی زۆری زیندانیان دەگرێتەوە، بەڵام بەھۆی ئەوەی ھێشتا نەبووه‌تە یاسا و رەنگە لەناو ھۆڵی پەرلەمانیش گۆڕانکاری بەسەردا بێت، هێشتا ناتوانن ژمارەیەکی دروست بڵێین، ئینجا ئەوەش بەپێی تاوانەکان دەبێت کە كه‌سه‌كان به هۆیه‌وه زیندانی کراون.
کۆمێنت (0)
تا ئێستا هیچ کۆمێنتێک نەکراوە.