فه‌رمانده‌یی هێزه چه‌كدارییه‌كانی ئه‌ڵمانیا رایگه‌یاند، ئه‌مڕۆ یه‌كشه‌ممه، راوێژكارانی سه‌ربازی وڵاته‌كه‌ی، ده‌ست به مه‌شق و راهێنانی سه‌ربازی هێزه‌كانی پێشمه‌رگه ده‌كاته‌وه.
فه‌رمانده‌ی هێزه چه‌كداره‌كان له راگه‌یه‌ندراوێكدا، ئاماژه به‌وه ده‌كات، راوێژكارانی سه‌ربازی ئه‌ڵمانیا، له هه‌رێمی كوردستان، ده‌ستییان به ئه‌ركه‌كانی خۆیان كردووه‌ته‌وه كه مه‌شق و راهێنانی سه‌ربازییه به هێزی پێشمه‌رگه.
له‌گه‌ڵ رووداوه‌كانی هێرشكردنه سه‌ر كه‌ركووك و داگیركردنی شاره‌كه به چاوساغی چه‌ند به‌رپرسێكی لایه‌نێكی سیاسی دیاریكراو و گرژییه‌كانی نێوان حه‌شدی شه‌عبی و هێزی پێشمه‌رگه‌ی كوردستان، رۆژی 16ی مانگ، راوێژكاره سه‌ربازییه‌كانی ئه‌ڵمانیا، مه‌شق و راهێنانی سه‌ربازییان به هێزی پێشمه‌رگه راگرت.
راوێژكارانی سه‌ربازی ئه‌ڵمانیا له هه‌رێمی كوردستان، له ساڵی 2014ه و دوای په‌لاماره‌كانی رێكخراوی داعش ده‌ستیپێكرد، كه خۆی له مه‌شق و راهێنانی سه‌ربازی به هێزه‌كانی پێشمه‌رگه‌ی كوردستان ده‌بینێته‌وه.
کۆمێنت (0)
تا ئێستا هیچ کۆمێنتێک نەکراوە.