کۆڕه‌ک تیلیکۆم خزمه‌تگوزارییه‌کانی له‌ نه‌جه‌ف و که‌ربه‌لا و دیوانییه‌ و سه‌ماوه‌ و بابل ده‌وه‌ستێنێت

هێرشێكی تیرۆریستی ده‌كرێته‌ سه‌ر بگۆڕی كۆمپانیای كۆڕه‌ك و باره‌گای سه‌ره‌كی له‌ بابل و ئه‌ندازیارێك و چه‌ندان كارمه‌ندی تریان ڕفاندوون كه‌ سه‌رجه‌میان نۆ كه‌س ده‌بن.

كۆمپانیای كۆڕه‌ك تیلیكۆم رایگه‌یاندووه‌: چوار ئۆتۆمبێلی پڕ چه‌كدار هێرشیان كردووه‌ته‌ سه‌ر بگۆڕی كۆمپانیای كۆڕه‌ك و باره‌گای سه‌ره‌كی له‌ بابل و زیانێكی زۆری مادییان پێ گه‌یاندووه‌، به‌و هۆیه‌وه‌ كۆمپانیای كۆڕه‌ك خزمه‌تگوزارییه‌كانی له‌ نه‌جه‌ف و كه‌ربه‌لا و دیوانییه‌ و سه‌ماوه‌ و بابل ده‌وه‌ستێنێت.

كۆمپانیاكه‌ ده‌شڵی:  تیرۆریستان هه‌ر به‌ ته‌قاندنه‌وه‌ی باره‌گاكه‌ نه‌وه‌ستاون و ئه‌ندازیارێك و چه‌ندان كارمه‌ندی تریان ڕفاندوون كه‌ سه‌رجه‌میان نۆ كه‌س ده‌بن.

كۆره‌ك تلیكۆم جه‌ختیشده‌كاته‌وه‌، هه‌موو ڕێوشوێنه‌ پێویست و یاسایییه‌كان ده‌گرینه‌به‌ر بۆ ئاشكراكردنی لایه‌نی به‌رپرسیار له‌و كرده‌ تیرۆریستییه‌ .

كوردستان تیڤی: رزگار تاهیر