لە شاری سیدنی ئوسترالیا ئاهەنگێک بۆ پشتیوانی لە گشتپرسی و سەربەخۆیی کوردستان بەڕێوەچوو.
ئاهەنگەکە لەلایەن کۆمیتەی پاڵپشتی لە ریفراندۆم سازکراوەو کۆمیتەکە لە شاری سیدنی پێکهاتووە، بڕیارە دوای سیدنیش چالاکییەکان بۆ تێکڕای ویلایەتەکانی ئوسترالیا بگوازنەوە".
سالار غەریب ئەندامی کۆمیتەکە ئاماژەی بەوەدا کە ئامانجی کۆمیتەکە ئەوەیە دوای سەرخستنی پرۆسەی گشتپرسی لە هه‌رێمى کوردستان، لەپێناو زیاتر کۆکردنەوەی پاڵپشتیی نێودەوڵەتی پەرە بە چالاکییەکانی بدات.
لەگەڵ نزیکبوونەوە لە رۆژی 25 ی ئەیلوول کە وادەی ئەنجامدانی گشتپرسییە بۆ سەربەخۆیی، لە شار و شارۆچکەکانی کوردستان و لە وڵاتانی دەرەوە و پایتەختەکانی جیهان بانگەشە بۆ دەنگدان بە بەڵێ گەرموگوڕ بووە و رۆژانە بە بەشداری دەیان هەزار کەس کەرنەڤاڵ سازدەکرێن.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.