مەسعوود پزیشکیان سەرۆک کۆماری ئێران ڕایگەیاند، درێژەدان بە سیاسەتی گەمارۆکانی ئەمەریکا دژی وڵاتەکەی دەبێتە هۆی ئاڵۆزتربوونی زیاتری دۆخەکە لە ناوچەکەدا.
پەزیشکیان لە لێدوانێکدا ئاماژەی بەوە کرد، ئەو گەمارۆیانە نەک هەر بۆ ئێران، بەڵکو بۆ سەرجەم وڵاتانی دیکەش کێشەی دروست کردووە و هۆشداری دا لەوەی کە بەردەوامبوونی ئەم ڕەوتە تەنها دۆخەکە خراپتر دەکات.
سەرۆک کۆماری ئێران جەختی لەوەش کردەوە کە پێویستە ئەمەریکا واز لە سیاسەتی هێز بهێنێت و بەرەو لۆژیکی دیالۆگ و گفتوگۆ هەنگاو بنێت. گوتیشی: بۆ ئەمەریکا باشترە کە بە لۆژیکی دیالۆگ لەگەڵ ئێران مامەڵە بکات نەک بە لۆژیکی هێز و گوشار.
کۆمێنت (0)
تا ئێستا هیچ کۆمێنتێک نەکراوە.