پۆلیسی هەولێر ئەمشەو پێنجشەممە روونكردنەوەیەكی لەبارەی رووداوی تەقەیكردن لە موكری حوسێن یەزدانپەنا و برینداركردنی بڵاو كردەوە.
پۆلیسی هەولێر لە روونكردنەوەكەدا رایدەگەیەنێت: لە ڕێکەوتی 3ی ئابی 2026 لە ئەنجامی ڕووداوێکی نەخوازراودا کەسێک بە ناوی (موکری حسێن یەزدان پەنا) بریندار بوو.
راشیگەیاند: دوای رووداوەكە دەستبەجێ تيمەکانی بەڕێوەبەرایەتیمان بە هەماهەنگی لەگەڵ بەشی بەڵگە و تاوانی هەولێر، دەستیان بە لێکۆڵینەوە کرد.
پۆلیسی هەولێر جەختیشی كردەوە كە لە ئەنجامە بەراییەکاندا بۆیان دەرکەوتووە کە ئەو رووداوە کردەوەی تیرۆریستی نەبووە.
جەختیشی كردەوە كە لێکۆڵينەوەكان لەسەر ڕووداوەکە بەپێی ڕێکارە ياساييەکان بەردەوامە.
کۆمێنت (0)
تا ئێستا هیچ کۆمێنتێک نەکراوە.