بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی 48 کاتژمێری داهاتووی خستەڕوو و ڕایگەیاند، پلەی گەرما بەرز دەبێتەوە.
ئەمڕۆ چوارشەممە 24ـی حوزەیران، بەڕێوەبەرایەتیی کەشناسی و بومەلەرزەزانی هەرێم ڕایگەیاند: ئاسمان ساماڵ و پەڵە هەور دەبێت. پلەی گەرما بە (4 بۆ 6) پلەی سیلیزی نزم دەبێتەوە بەراورد بە ڕۆژانی ڕابردوو. خێرایی با مامناوەند دەبێت (15 - 20) کم/ک و لە کاتەکانی دوای نیوەڕۆدا کەمێک چالاک دەبێت بۆ سەرووی 25 کم/ک، ئەمەش دەبێتە هۆی بەرزبوونەوەی تۆزێکی کەم لە ناوچە دەشتاییەکان.
بۆ سبەی پێنجشەممە 25ـی حوزەیران، بە پێی پێشبینیەکانی کەشناسی ئاسمان بە گشتی ساماڵ دەبێت و ئەگەری تۆزێکی کەم هەیە. پلەی گەرما بەراورد بە ئەمڕۆ (1 بۆ 2) پلە بەرز دەبێتەوە. ئاراستەی با بەرەو باکووری ڕۆژهەڵات دەبێت و مەودای بینین 8 بۆ 9 کیلۆمەتر دەبێت.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی هەرێمی کوردستان | چوارشەممە | پێنجشەممە |
| هەولێر | 39 | 41 |
| سلێمانی | 38 | 39 |
| دهۆک | 38 | 39 |
| هەڵەبجە | 40 | 41 |
| چەمچەماڵ | 39 | 41 |
| زاخۆ | 38 | 39 |
| پیرمام | 36 | 36 |
| ئاکرێ | 39 | 40 |
| حاجی ئۆمەران | 21 | 22 |
کۆمێنت (0)
تا ئێستا هیچ کۆمێنتێک نەکراوە.