بەڕێوەبەرایەتیی گشتی کەشناسی و بومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو و ڕایگەیاند، تاوەباران و تۆزوخۆڵ هەرێمی کوردستان دەگرێتەوە.
ئەمڕۆ دووشەممە 11ـی ئایار، بەڕێوەبەرایەتی کەشناسی و بومەلەرزەزانی هەرێم ڕایگەیاند: ئاسمان لە نێوان هەور و نیمچە هەور دەبێت، لەگەڵ ئەگەری بەرز بوونەوەی تۆزوخۆڵێکی سووک لەناوچەکانی باشووری هەرێم لەکاتەکانی ئێوارە هەروەها پلەی گەرما کەمێک بەرز دەبێتەوە.
بۆ سبەی سێشەممە 12ـی ئایار، بە پێی پێشبینیەکانی کەشناسی: ئاسمان لەنێوان هەور و نیمچە هەور دەبێت، لە کاتەکانی بەیانی ئەگەری کەمێک تاوەباران و هەورە بروسکە هەیە بەتایبەتی لەناوچە شاخاوییە سنوورییەکانی باکوور، پاشان بۆ کاتەکانی ئیوارە ئەگەری بارانبارین بەشێوەی پچرپچرهەیە بۆ ناوچەکانی تری هەرێم، پاشان کەشەکە سەقامگیر دەبێتەوە.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی هەرێمی کوردستان | دووشەممە | سێشەممە |
| هەولێر | 32 | 32 |
| سلێمانی | 28 | 27 |
| دهۆک | 28 | 28 |
| زاخۆ | 28 | 28 |
| چەمچەماڵ | 30 | 28 |
| هەڵەبجە | 29 | 29 |
| سۆران | 27 | 26 |
| پیرمام | 27 | 27 |
| گەرمیان | 37 | 37 |
| حاجی ئۆمەران | 21 | 21 |
کۆمێنت (0)
تا ئێستا هیچ کۆمێنتێک نەکراوە.