ئهمڕۆ دووشەممە، ئەوروپییەکان پشتیوانی خۆیان بۆ دەسەڵاتی فەلەستین و چارەسەری دوو دەوڵەتی دووپات کردەوە، ئەمەش لە کاتێکدایە کە شەڕی ئەمریکا و ئیسرائیل لە دژی ئێران سەرنجەکانی لەسهر دۆخی كارهساتباری غەززە لابردووه.
ئەم هەوڵانە لە کاتێک دایه کە دۆناڵد ترەمپ سەرۆکی ئەمریکا دەسەڵاتی فەلەستینی لە چوارچێوەی پلانەکانی بۆ غەززە و دەستپێشخەریی "ئەنجوومەنی ئاشتی" له ئێستادا پەراوێزخستووه.
لای خۆیهوه، ماکسیم پریڤۆ، وەزیری دەرەوەی بەلجیکا لە سەرەتای کۆبوونەوەی "هاوپەیمانی نێودەوڵەتی بۆ جێبەجێکردنی چارەسەری دوو دەوڵەتی بۆ دۆزی فهڵهستین رایگهیاند: ئێمە لە قووڵایی كێشهكاندا باس له دۆزی فهڵهستین دهكهین و چاومان بریووهته رێگه كورتهكان له كاتێكدا ئهوه ئاڵۆزی زۆری لهدوایه.
ئاماژەی بەوەشکرد، لهگهڵ ئهوهشدا پێویستە لەسەر ئەم ڕێگایە بەردەوام بین، چونکە پرسی ئیسرائیل و فەلەستین کاریگەری لەسەر تەواوی ڕۆژهەڵاتی ناوەڕاست هەیە و دواجار كاریگهری لهسهر ئاسایشی هەموو جیهانیش ههیه.
یەکێتی ئەوروپا گەورەترین پاڵپشتی دارایی فەلەستینییەکانە و سەرەڕای ڕەخنەکانی سەبارەت بە دەسەڵاتی فەلەستین، پێی وایە دەسەڵاتەکە دەبێ ڕۆڵێکی سەرەکی لە غەززەی دوای جەنگدا بگێڕێت.
ههر ئهمرۆ کایا کاڵاس، بەرپرسی کاروباری دەرەوەی یەکێتی ئەوروپا گوتی: دەتوانین و دەبێت زیاتر بکەین بۆ ئەوەی چارەسەری دوو دەوڵەتی بۆ پرسی فهڵهستین بە شێوەیەکی بەهێز بخەینە سەر مێز.چونكه ئهوه باشترین بژاردهی ئێمهیه.
کۆمێنت (0)
تا ئێستا هیچ کۆمێنتێک نەکراوە.