بنیامین نەتانیاهۆ، سەرۆک وەزیرانی ئیسرائیل، وڵاتی ئیسپانیای بەوە تۆمەتبار کرد کە هەڵوێستێکی "دوژمنکارانە"ی بەرامبەر دەوڵەتی ئیسرائیل هەیە و ڕەخنەی توندی لە سیاسەتەکانی ئەو وڵاتە گرت.
نەتانیاهۆ لە لێدوانێکدا ئاماژەی بەوە کرد، کە حکومەتی مەدرید لە مامەڵەکردنیدا لەگەڵ دۆسیەی ئیسرائیل و جەنگی ئێستای ناوچەکە، سیاسەتێکی نادۆستانە پەیڕەو دەکات و ئەمەش بە شێوەیەکی نەرێنی ڕەنگی داوەتەوە لەسەر پەیوەندییە دیپلۆماسییەکانی نێوان هەردوو وڵات.
ئەم تۆمەتبارکردنەی نەتانیاهۆ لە کاتێکدایە، کە لە دوای هەڵگیرسانی جەنگی غەززە، پەیوەندییەکانی نێوان تەلئەبیب و مەدرید ڕووی لە گرژییەکی زۆر کردووە، بەتایبەت دوای ئەوەی ئیسپانیا چەندین جار ڕەخنەی توندی لە ئۆپەراسیۆنە سەربازییەکانی ئیسرائیل گرتووە و هەنگاوی ناوە بۆ ناساندنی دەوڵەتی فەڵەستین.
کۆمێنت (0)
تا ئێستا هیچ کۆمێنتێک نەکراوە.