ئاژانسی نێودەوڵەتیی وزەی ئەتۆم (IAEA) پشتڕاستی کردەوە کە لە ئەنجامی هێرشێکی مووشەکیدا، باڵەخانەیەك لە نزیک وێستگەی ئەتۆمیی بوشەهر لەناو خاکی ئێران پێکراوە و تێکشکێنراوە.
بەپێی زانیارییەکانی ئاژانسەکە، هێرشەکە ئێوارەی ڕۆژی سێشەممە ئەنجامدراوە و تێیدا باڵەخانەیەك کە تەنها 350 مەتر لە ڕاکتەری ئەتۆمیی بوشەهرەوە دوور بووە، بە تەواوی وێران کراوە. ئاماژە بەوەش دراوە کە هیچ زیانێکی ڕاستەوخۆ بەر خودی ڕاکتەرەکە نەکەوتووە و هیچ کام لە کارمەندانی وێستگەکەش بریندار نەبوون.
ڕافایل گرۆسی بەڕێوەبەری گشتیی ئاژانسی نێودەوڵەتیی وزەی ئەتۆم لەو بارەیەوە ڕایگەیاند: هەرچەندە زیان بەر ڕاکتەرەکە نەکەوتووە، بەڵام هەر هێرشێک بۆ سەر وێستگە ئەتۆمییەکان یان نزیک لەو شوێنانە، پێشێلکردنی حەوت بنەما سەرەکییەکەی سەلامەتی و ئاسایشی ئەتۆمییە لە کاتی ململانێ چەکدارییەکاندا.
گرۆسی جەختیشی کردەوە کە پێویستە لەژێر هیچ بارودۆخێکدا وێستگە ئەتۆمییەکان نەکرێنە ئامانج، چونکە مەترسییەکی گەورە بۆ سەر ژینگەی ناوچەکە و جیهان دروست دەکات.
ڕاکتەر وەک کوورەیەکی زۆر گەورە و پێشکەوتوو وایە، لە جیاتی ئەوەی خەڵووز یان غاز بسووتێنێت بۆ بەرهەمهێنانی گەرمی، پڕۆسەیەک بەکاردێنێت کە پێی دەوترێت کەرتکردنی ناوەکی.
کۆمێنت (0)
تا ئێستا هیچ کۆمێنتێک نەکراوە.