لەسەر ڕێگای گڵەزەردە لە شاری سلێمانی ئاگر لە کۆگایەکی سووتەمەنی کەوتەوە کە بڕێکی زۆر بەنزینی تێدا کۆگاکراوە و تیمەکانی بەرگریی شارستانی سەرقاڵی کوژاندنەوەی ئاگرەکەن.
مینا خدر، پەیامنێری کوردستان تیڤی لە سلێمانی ڕایگەیاند: لەسەر ڕێگای گڵەزەردە لە شاری سلێمانی، کۆگایەکی سووتەمەنی کە بڕێکی زۆر بەنزینی تێدا هەڵگیراوە، ئاگری گرتووە.
پەیامنێری کوردستان تیڤی ئاماژەی بەوە کرد، ئاگرەکە لە بەشی خوارەوەی کۆگاکەدایە و هێشتا نەگەیشتووەتە تانکییەکان، هاوکات دەستبەجێ تیمەکانی بەرگریی شارستانی گەیشتوونەتە شوێنی ڕووداوەکە و لە هەوڵی بەردەوامدان بۆ کوژاندنەوەی ئاگرەکە و ڕێگریکردن لە تەشەنەسەندنی بۆ بەشەکانی دیکە.
بەپێی زانیارییە سەرەتاییەکان، ڕووداوەکە تاوەکو ئێستا هیچ زیانێکی گیانیی لێ نەکەوتووەتەوە.
کۆمێنت (0)
تا ئێستا هیچ کۆمێنتێک نەکراوە.