بەڕێوەبەرایەتیی گشتیی بانکە بازرگانییەکانی سەر بە وەزارەتی دارایی ڕایگەیاند، سبەی شەممە دەوامی ئەو بانکانە ئاسایی دەبێت کە ئەرکی دابەشکردنی مووچەیان لەسەرە و ئەو فەرمانبەرانەی مووچەی مانگی یەکیان وەرنەگرتووە دەتوانن سەردانیان بکەن.
ڕۆژی هەینی 13ـی شوبات، بەڕێوەبەرایەتیی گشتیی بانکە بازرگانییەکان ئاگادارییەکی ئاراستەی مووچەخۆران کردووە و ڕایگەیاند، سبەی شەممە (14 ـی شوباتی 2026) دەوامی سەرجەم ئەو بانکانە ئاسایی دەبێت کە ئەرکی دابەشکردنی مووچەیان لە ئەستۆدایە.
بەڕێوەبەرایەتییەکە ئاماژەی بەوەش داوە، ئەو مووچەخۆرانەی کە تا ئێستا مووچەی مانگی یەکیان وەرنەگرتووە سبەی دەتوانن سەردانی بانکەکان بکەن و مووچەکانیان وەربگرن.
لە کۆتایی ڕاگەیەندراوەکەدا هاتووە، تەنیا مووچەی ئەو فەرمانبەرانە خەرج ناکرێت کە تا ئێستا فۆڕمی هەژماری منیان پڕنەکردووەتەوە، یاخود کارتی بانکیان تەواو بووە و کارتەکانیان وەرنەگرتووەتەوە.
کۆمێنت (0)
تا ئێستا هیچ کۆمێنتێک نەکراوە.