شەپۆڵێكی بارانبارین بەڕێوەیە و پێشبینی دەكرێت سبەی چوارشەممە لە زۆربەی شار و ناوچەكانی هەرێمی كوردستان باران ببارێت.
ئاراس جەبار شارەزای كەشناسی رایگەیاند "سبەی چوارشەممە لە دوای نیوەڕۆوە شەپۆڵێکی بارانبارین ناوچەکانی هەرێمی کوردستان دەگرێتەوە و سەرەتاش بارانبارینەكە لە رۆژئاواوە دەست پێ دەکات لە سنووری پارێزگای دهۆک و نەینەوا، پاشان لە کاتەکانی ئێوارە سەرجەم ناوچەکانی هەرێمی كوردستان دەگرێتەوە".
هەروەها رایگەیاند "بارانەكان بەشێوەیەكی گشتی مامناوەند و پچڕپچر دەبێت".
شارەزاكەی كەشناسی راشیگەیاند "هەر سبەی چوارشەممە لە زۆربەی ناوچە شاخاوی و سنوورییەكانی هەرێمی كوردستاندا بەفر دەبارێت".
ئاراس جەبار گوتیشی "لە ماوەی ئەو شەپۆڵەدا پلەکانی گەرما 4 تا 5 پلە نزم دەبنەوە و كەشوهەوا بەشێوەیەكی گشتی سارد دەبێتەوە" .
ئاماژەی بەوەش دا كە "رۆژی پێنجشەممە کاریگەری شەپۆڵەكە لە زۆربەی ناوچەکانی هەرێمی كوردستان لاواز دەبێت و کۆتای پێ دێت".
کۆمێنت (0)
تا ئێستا هیچ کۆمێنتێک نەکراوە.