بەڕێوەبەرایەتیی هاتوچۆی کۆیە ڕایگەیاند، ئەمشەو لەسەر ڕێگەی کۆیە - دوکان پێکدادان لەنێوان بارهەڵگرێک و ئۆتۆمبێلێکدا ڕووی دا و بەهۆیەوە کەسێک گیانی لەدەست دا.
بەڕێوەبەرایەتیی هاتوچۆی کۆیە لە ڕاگەیاندراوێکدا ئاشکرای کرد، ئەمشەو ڕووداوێکی سەختی هاتوچۆ لەسەر ڕێگەی (کۆیە - دوکان) لە نزیک کارگەی ئاردی کۆیە ڕووی دا.
ڕووداوەکە لە جۆری پێکدادان بووە لەنێوان ئۆتۆمبێلێکی بارهەڵگر (تانکەر) و ئۆتۆمبێلێکی جۆری (پیکاب).
لە ڕاگەیاندراوەکەدا هاتووە، بەداخەوە لە دەرەنجامی ڕووداوەکەدا شۆفێری ئۆتۆمبێلە پیکابەکە گیانی لەدەست داوە.
هاتوچۆی کۆیە داوا لە شۆفێران دەکات، پابەندی هێماکانی شەقام و ڕێنماییەکانی هاتوچۆ بن، بۆ ئەوەی لە ڕووداوی نەخوازراو بەدوور بن.
کۆمێنت (0)
تا ئێستا هیچ کۆمێنتێک نەکراوە.