ئهمرۆ دووشهممه 12-1-2026 ، دهستهی سهربهخۆیی مافی مرۆڤی حكوومهتی ههرێمی كوردستان له بهیاننامهیهكدا بڵاویكردهوه كه بههۆی بێڕێزیكردن به ئافرهتان و كهمكردنهوهی رۆڵ و پێگهی ئافرهت سكاڵای یاسایی دژی مهلا مهزههر خۆراسانی تۆمار دهكهن.
ئهوهش دهقی بهیاننامهكهیه..
بەداخەوە مامۆستایەکی ئایینی لە شاری هەولێر، بە ناوی (مەلا مەزهەر تاهیر)، لە کەناڵێکی میدیایی لێدوانێکی بڵاوکردووەتەوە و بێڕێزییەکی زۆر بە ئافرەتان و ڕۆڵ و پێگەی ئافرەت دەکات. ناوبراو لە ڕوانگەیەکی تەسکەوە ڕۆڵی ئافرەتی کەم کردووەتەوە لە ماڵەوە و وەک خزمەتکارێک وێنای کردووە کە ئەرکەکەی تەنها لە ماڵەوەیە.
ئەو گوتانەی ناوبراو بە تەواوی دژی بنەمای ئایینەکانە وپێچەوانەی بنەماکانی مافی مرۆڤ و شکۆی ژنانە.
بۆ ئەو مەبەستە دەستەی مافی مرۆڤ لە ڕێگەی داواکاری گشتییەوە ئەو کەیسە دەجوڵێنێت و ناوبراو ڕووبەڕووی یاسا دەکاتەوە لەبەر ئەوەی گوتەکانی مەلا مەزهەر دژی ماددەی 14ی دستوری عێراقە کە ئەم ماددەیە بەڕوونی باس لەوە دەکات کە یەکسانی هەیە لەبەینی ژن و پیاودا.
جگە لەوەش هیوادارین وەزارەتی ئەوقاف و یەکێتیی زانایان ڕێکاری پێویست بگرنە بەر بەرامبەر ئەو کەسانەی پێشێلکاری بەرامبەر خەڵک دەکەن لە ژێر ناوی ئایین و مینبەرەکانەوە.
دهستهی سهربهخۆیی مافی مرۆڤ دهشڵێت: بەتوندی دژی ئەو جۆرە لێدوانانەین و ئیدانەی دەکەین، بە ڕێزەوەش ڕۆڵی ژنان سەیر دەکەین و بەرز دەنرخێنین.
کۆمێنت (0)
تا ئێستا هیچ کۆمێنتێک نەکراوە.