وەزارەتی دارایی و ئابووریی حکوومەتی هەرێمی کوردستان ڕایگەیاند سبەی دووشەممە بڕی 120 ملیار بۆ مانگی تشرینی یەکەم دینار دەخرێتە سەر هەژماری بانکیی وەزارەتی دارایی عێراق.
ڕۆژی یەکشەممە 21ـی کانوونی یەکەمی 2025، وەزارەتی دارایی و ئابووریی حکوومەتی هەرێمی کوردستان ڕایگەیاند سبەی دووشەممە، بڕی ( ١٢٠،٠٠٠،٠٠٠،٠٠٠ ) سەدو بیست ملیار دینار، وەک داهاتی نانەوتیی هەرێم بۆ مانگی تشرینی یەکەم بەشێوەی کاش دەخرێتە سەر هەژماری بانکی وەزارەتی دارایی حکومەتی فیدراڵ لە لقی هەولێری بانکی ناوەندی عێراق.
ئەم پارەیە وەک بەشێک لە پابەندییەکانی حکوومەتی هەرێمی کوردستان بۆ دابینکردنی مووچەی فەرمانبەران و مووچەخۆرانی هەرێمی کوردستان دەخرێتە سەر هەژماری وەزارەتی دارایی عێراق و چاوەڕێ دەکرێت دوای ئەم هەنگاوە، حکوومەتی فیدراڵ شایستە داراییەکانی مووچەخۆرانی هەرێمی کوردستان بۆ دابەشکردنی مووچەی مانگی تشرینی یەکەم بنێرێت.
کۆمێنت (0)
تا ئێستا هیچ کۆمێنتێک نەکراوە.