بە بۆنەی هاتنەوەی جەژنی (ڕۆژی یێن ئێزی)، سەرۆكی هەرێمی كوردستان پەیامی پیرۆزبایی ئاراستەی میری ئێزیدییان و سەرجەم خوشك و برایانی ئێزیدی لە كوردستان و عێراق و هەموو جیهان كرد.
نێچیرڤان بارزانی سەرۆكی هەرێمی كوردستان لە پەیامە پیرۆزباییەكەدا هەروەها رایگەیاند "خوشك و برایێن ئێزدی پشتڕاست دكهین كو ههولێن مه ژبۆ ئاساییكرنا ڕهوشا شنگالێ و ڤهگهڕيانا ئاوارا و ئاڤاكرنا دهڤهر و جهێن وان، دێ بهردهوام بن"
دەقی پەیامە پیرۆزباییەكەی نێچیرڤان بارزانی سەرۆكی هەرێمی كوردستان بەبۆنەی جەژنی (ڕۆژی یێن ئێزی):-
ب ههلكهفتا هاتنا جهژنا ڕۆژی یێن ئێزی، گهرمترين پیرۆزباهیيان پێشكێشی جهنابێ میرێ ئێزدييان، ڕێزداران بابهشێخ، جڤاتا ڕۆحانى و ههموو خوشك و برایێن ئێزدی ل كوردستانێ، عێراقێ و ل ههر دهرهكا جیهانێ بن، دكهم. هیڤیدارم ههمى جهژنهكا خۆش و ئارام دهرباز بكهن.
د ڤێ ههلكهفتنێدا، ئهم جارهكا دی ههمى پشتهڤانیا خۆ بۆ خوشك و برایێن ئێزدی و پاراستنا مافێن وان دووپات دكهین. وان پشتڕاست دكهین كو ههولێن مه ژبۆ ئاساییكرنا ڕهوشا شنگالێ و ڤهگهڕيانا ئاوارا و ئاڤاكرنا دهڤهر و جهێن وان، دێ بهردهوام بن.
جهژن ل ههميا پيرۆز بيت، ههر سال ب خێر و خۆشى.
نێچیرڤان بارزانی
سهرۆكێ ههرێما كوردستانێ
19/12/2025
کۆمێنت (0)
تا ئێستا هیچ کۆمێنتێک نەکراوە.