بارەگای بارزانی لە راگەیەنراوێكدا سوپاسی هەموو ئەو كەسانە دەكات كە یارمەتییان گەیاندووەتە لێقەوماوان و زیانلێكەوتووانی لافاوەكەی چەمچەماڵ.
لە راگەیەنراوەكەی بارەگای بارزانیدا هاتووە "گەیاندنی هاوكاری بۆ چەمچەماڵ نموونەی بەرزی هاوسۆزی و هاودەنگیی نەتەوەیی و نیشتمانیی نێوان کوردستانییانە و جێگەی پێزانینێکی زۆرە".
دەقی راگەیەنراوەكەی بارەگای بارزانی:-
بەناوی خودای بەخشندە و میهرەبان
دوابەدوای بارینی بارانێکی زۆر و ڕوودانی لافاو لە سنووری چەمچەماڵ و دەورووبەری، ڕێکخراوەکان و هاووڵاتییان و خەڵکی کوردستان بە گشتیی و لە ناوچە جیاوازەکانی کوردستان، بەشێوەیەکی بەرفراوان یارمەتیی لێقەوماو و زیانلێکەوتووانی ئەو ڕووداوەیان دا، لێرەدا سوپاسی هەموو ئەوانە دەکەین کە یارمەتییان گەیاندووەتە لێقەوماو و زیانبارانی لافاوەکە، ئەوە نموونەیەکی بەرزی هاوسۆزی و هاودەنگیی نەتەوەیی و نیشتیمانیی نێوان کوردستانییانە و جێگەی پێزانینێکی زۆرە.
هیوای ئارامی و سەلامەتی بۆ هاووڵاتییانی خۆشەویستی کوردستان دەخوازین.
بارەگای بارزانی
18ی کانوونی یەکەمی 2025
کۆمێنت (0)
تا ئێستا هیچ کۆمێنتێک نەکراوە.