گوتهبێژی كۆمسیۆنی باڵای سەربەخۆی هەڵبژاردنەكان له عێراق رایگهیاند، قۆناغی پشتڕاستكردنهوهی زانیاریی و داتای دهنگدهرانی كۆن و تهمهنی تازه له كۆمسیۆن دهستی پیكردووه .
جومانە غەلای، گوتەبێژی كۆمسیۆنی ههڵبژاردنی عێراق بە ئاژانسی هەواڵی عێراقی راگەیاند: قۆناغی یەكەمی پڕۆسەی هەڵبژاردن بە نوێكردنەوەی داتای دەنگدەران و خستنەڕووی داتای تەمەنی نوێ دەستیپێكرد، ئاماژەی بەوەشكردووه، قۆناغی دووەم پشتڕاستكردنەوەی داتای دەنگدەرانی نوێكراوی لەخۆگرتووه.
ئاماژەی بەوەشكرد : لە ئێستادا كۆمسیۆنەكە لە پرۆسەی شیكردنەوە و پشتڕاستكردنەوەی داتای ئەو دەنگدەرانەدایە كە زانیارییەكانیان نوێكردووەتەوە .
جومانه غهلای ئهوهشی خستووهتهڕوو: قۆناغی سێیەم بریتی دهبێت لە راگەیاندنی ئاماری ژمارەی كاندیدەكانی بەشداربوو لە هەڵبژاردنەكاندا، كە كۆی گشتی 7 هەزار و 926كاندیده كە پێنج هەزار و 701 كاندیدی پیاو و دوو هەزار و 225 كاندیدی ئافرهتن.
غەلای روونیشیكردەوە : كۆمسیۆن ئێستا سهرقاڵی گفتوگۆیه كه چۆن مامهڵه لهگهل راگەیاندنی ئەنجامە بەراییەكان و وەرگرتنی تانە بكات له كاتی ههڵبژاردندا له 11-11 بهر له راگەیاندنی ئەنجامی كۆتایی دهنگدان.
کۆمێنت (0)
تا ئێستا هیچ کۆمێنتێک نەکراوە.