بەشێک لە گەڕەکەکانی سلێمانی لە دوێنێوە بەهۆی رەشەباوە بێ کارەبا بوون و موەلیدە ئەهلییەکانیش بەهیچ جۆرێک ئامادە نەبوون هاوکاری بەڕێوبەرایەتی کارەبای سلێمانی بکەن و کارەبای ماڵان دابین بکەن، بەڕێوەبەرایەتی کارەبای سلێمانیش دەڵێت، ئەمڕۆ کێشەکان چارەسەر بووە و کارەبا بەتەواوی گەڕەکەکان دراوەتەوە.
ئەمڕۆ دووشەممە 7ـی حوزەیرانی 2025، غالب محمد بەڕێوەبەری کۆنترۆڵی کارەبای سلێمانی رایگەیاند "لە ئێستادا کارەبای ئەو فیدەرانەی بەهۆی رەشەباکەی دوێنێ زیانیان پێگەیشبووە ئاسایی بووەتەوە و کارەبایان بۆ گەڕاوەتەوە".
دوێنێ شەو بەهۆی ڕەشەباوە زیان بە بەشێکی تۆڕەکانی کارەبا کەوتبوو بەهۆیەوە چەند گەڕەکێک و ناوچەیەک کارەبایان کوژابووەوە، موەلیدە ئەهلییەکانیش ئامادە نابوون کارەبا بە گەڕەکە زیان لێکەوتووەکان بدەنەوە.
بەڕێوەبەرایەتی كۆنترۆڵ و گەیاندنی كارەبای سلێمانی رایگەیاند: بەهۆی ئەو رەشەبایەی كە لە شەوی رابردوەوە سنووری پارێزگای سلێمانی گرتەوە، لە ناو شار 19 فیدەری كارەبا كێشەیان هەبوو و لە دەرەوەی شاریش 6 فیدەر كێشەیان بۆ دروست بوو کوژانەوە، ئەمڕۆ تیمی هۆبەكانی چاكسازیی كارەبای دەستیان کرد بە چارەسەری كێشەكان.
کۆمێنت (0)
تا ئێستا هیچ کۆمێنتێک نەکراوە.