سەرۆک بارزانی، پیشوازیی لە سەرۆکی یونامی کرد و لە کۆبوونەوەکەدا پەیوەندییەکانی نێوان هەولێر و بەغدا و دیالۆگی نێوان حکوومەتی هەرێمی کوردستان و حکوومەتی عێراقی فیدڕاڵ بۆ گەیشتن بە چارەسەری خرایە بەرباس.
ڕۆژی پێنجشەممە 3ی تەمموزی 2025 لە سەلاحەددین، سەرۆک مەسعود بارزانی پێشوازیی لە محەمەد ئەلحەسسان نوێنەری تایبەتی سکرتێری گشتیی ڕێکخراوی نەتەوە یەکگرتووەکان و سەرۆکی نێردەی ڕێکخراوی نەتەوە یەکگرتووەکان بۆ هاوکاریی عێراق (یونامی) کرد.
لە دیدارەکەدا بیروڕا لەبارەی دوایین پێشهات و گۆڕانکارییەکانی ناوچەکە و کاریگەرییان لەسەر سەقامگیریی ناوچەیی ئاڵوگۆڕ کرا؛ هەروەها پەیوەندییەکانی نێوان هەولێر و بەغدا و دیالۆگی نێوان حکوومەتی هەرێمی کوردستان و حکوومەتی عێراقی فیدڕاڵ بۆ گەیشتن بە چارەسەری خرایە بەرباس و گفتوگۆ.
کار و چالاکییەکانی یونامی لە عێراق و هەرێمی کوردستان تەوەری تری ئەو دیدارە بوون.
کۆمێنت (0)
تا ئێستا هیچ کۆمێنتێک نەکراوە.