یەکەم گەشتی ئاسمانیی نێوان کوێت و سوریا دوای 13 ساڵ لە ڕاگیران، رۆژی چوارشەممە دەستی پێ کردەوە.
ڕۆژی پێنجشەممە،3ـی تەمموز، میدیاکانی سوریا رایانگەیاند: یەکەم گەشتی ڕاستەوخۆی کۆمپانیای ''جەزیرە ئێروەیز''ی کوێتی لە ڕۆژی چوارشەممە، دەستی پێ کردەوە و فرۆکەکە لە فڕۆکەخانەی نێودەوڵەتیی دیمەشق نیشتەوە.
کۆمپانیاکە ڕایگەیاندووە سەرەتا ڕۆژانە گەشتێکیان دەبێت و پلانیش هەیە "پێش کۆتایی هاوین بکرێتە دوو گەشتی ڕۆژانە".
ئەم هەنگاوە لە چوارچێوەی هەوڵە فراوانەکانی وڵاتانی ناوچەکەدایە بۆ دووبارە تێکەڵکردنەوەی سوریا بە تۆڕەکانی گەشتی ئاسمانییەوە و چاوەڕوان دەکرێت چالاکیی ئابووری و گەشتیاری زیاد بکات.
کۆمێنت (0)
تا ئێستا هیچ کۆمێنتێک نەکراوە.