وەزارەتی ڕێگا و شارسازیی ئێران ڕایگەیاند ئاسمانی ناوەند و ڕۆژئاوای ئێران دیسان بەڕووی گەشتە ئاسمانییە نێودەوڵەتییەکاندا داخراوەتەوە.
مەجید ئەخەوان، گوتەبێژی وەزارەتی ڕێگا و شارسازیی ئێران ڕایگەیاند، پاش بڕیاری کۆمیتەی هەماهەنگیی ڕێکخراوی فڕۆکەوانیی ئێران و لێکدانەوە ئەمنییەکان لە بارودۆخی ئێستادا، وەزارەتی ڕێگا و شارسازی ئەم بڕیارەی داوە.
دوو ڕۆژ پێشتر ئێران ئاسمانی ناوەند و ڕۆژئاوای ئەم وڵاتەی بۆ تێپەڕینی گەشتە ئاسمانییە نێودەوڵەتییەکان بەرەو وڵاتانی دیکە کردبووەوە. ئاسمانی ئەم بەشەی ئێران لە پاش دەستپێکردنی جەنگی نێوان ئێران و ئیسرائیل، بەڕووی گەشتیە نێوخۆیی و نێودەوڵەتییەکاندا داخرابوو.
لە پاش ڕاگەیاندنی ئاگربەستی نێوان دوو وڵات، تەنیا لە چوار پارێزگای ڕۆژهەڵاتی ئێران، گەشتە ئاسمانییەکان دەستیان پێ کردووەتەوە و لە ناوچەکانی دیکەی ئێران و لەوانەش پایتەختی ئەم وڵاتە، سەرجەم گەشتەکان ڕاوەستاون.
کۆمێنت (0)
تا ئێستا هیچ کۆمێنتێک نەکراوە.