دەستەی كەشناسی عێراق وادەی كۆتاهاتنی ئەم شەپۆڵە خۆڵبارینەی راگەیاند كە ماوەی چەند رۆژێكە ناوچەكانی هەرێمی كوردستان و پارێزگاكانی دیكەی عێراقی گرتۆتەوە.
دەستەكە رایگەیاند: خۆڵبارین ئەمڕۆ یەكشەممە بەردەوام دەبێت و دواتر وردە وردە بەرەو كەمبوونەوە دەچێت.
راشیگەیاند: لە هەندێك پارێزگا بەتایبەتیش لە پارێزگای نەینەوا و سەلاحەدین تا ئێوارەی سبەی دووشەممەش خۆڵبارین بەردەوامی دەبێت، بەڵام دواتر كەشوهەوا لە تەواوی عێراق ئاسایی دەبێتەوە و كۆتایی بە شەپۆڵی خۆڵبارین دێت.
دەستەی كەشناسی عێراق داواشی لە هاووڵاتییان كرد بەتایبەت بەساڵاچووان و ئەوانەی نەخۆشی تەنگەنەفەسییان هەیە، هەوڵ بدەن تا سبەی دووشەممە خۆیان بپارێزن و كەمتر بێنە دەرەوە هەتا ئەو كاتەی خۆڵبارینەكە بەتەواوی كۆتایی دێت.
کۆمێنت (0)
تا ئێستا هیچ کۆمێنتێک نەکراوە.