وهزارهتی بازرگانی عێراق رایگهیاندووه: پرۆسهی به ئهلیكترۆنیی كردنی داتای هاوڵاتییان له سهرانسهری عێراق به ئهلیكترۆنیی دهكرێت و تا ئیستا زیاتر له 20 ملیۆن هاوڵاتیی له پارێزگا جیاوازهكانی عێراق داتاكانیان به ئهلیكترۆنی كراوه و پرۆسهكهش بهردهوامه.
ئەمرۆ یەک شەممە27ی نیسان، محەممەد حەنون گوتەبێژی وەزارەتی بازرگانی حكوومهتی عێراق، بەئاژانسی هەواڵی عێراقی راگەیاند: تا ئێستا زیاتر لە 20 ملیۆن هاوڵاتی له پارێزگا جیاوازهكان داتاکانیان بۆ پسوولەی خۆراک لە ڕێگەی ئەپڵیکەیشنی ئەلیکترۆنی نوێکردووهتهوه و پرۆسهكهش بهردهوامه.
محەممەد حەنون ئهوهشی خستووهتهڕوو: چەند پارێزگایەک وەک واسیت و دیالە و دیوانیە ڕێژەی 90% ی دانیشتوانیان داتاکانیان نوێ کردووهتهوه، لە کاتێکدا لە پارێزگاکانی تری وەک ئەنبار گەیشتۆتە رێژهی 80% .
محەممەد حەنون گوتەبێژی وەزارەتی بازرگانی حكوومهتی عێراق راشیگەیاند : پرۆسەی نوێکردنەوە بەم زوانە لە بەسرە و زیقار و پارێزگای هەڵەبجەش دەست پێدەکات.
محهمهد حهنون ، داواش لە هەموو هاوڵاتیانی عێراق و ههرێمی كوردستان دەکات کە داتاکانیان تۆمار بکەن بۆ پاراستنی مافەکانیان لە وەرگرتنی پسوولەی خۆراک و دڵنیابوون لە خۆ تۆماركردنیان لە سیستەمەکەدا كه كارئاسانی زۆر دهكات بۆ ههموو هاوڵاتییان له داهاتوودا بۆ وهرگرتنی بهشه خۆراكی مانگانهیان.
کۆمێنت (0)
تا ئێستا هیچ کۆمێنتێک نەکراوە.