سەرۆكی هەرێمی كوردستان سەرەخۆشی لە خانەوادەی پێشمەرگە و تێكۆشەر حاجی میرخان دۆڵەمەری كرد كە سەرلەئێوارەی ئەمڕۆ یەكشەممە بەهۆی رووداوێكی هاتوچۆ كۆچی دوایی كرد.
دەقی پەیامە سەرەخۆشییەكەی نێچیرڤان بارزانی سەرۆكی هەرێمی كوردستان:-
پرسه و سه‌ره‌خۆشى له خانه‌واده‌ى که‌سایه‌تیی دیار، پێشمه‌رگه و تێكۆشه‌ر، به‌رپرسی ده‌زگای ئه‌یلوول و گوڵان له سۆران، حاجی میرخان دۆله‌مه‌ری ده‌كه‌م كه به‌داخه‌وه ئه‌مڕۆ به‌هۆی ڕووداوێكی هاتوچۆوه گیانی له‌ده‌ست دا.
هاوسۆز و هاوخه‌می خانه‌واده‌ی به‌ڕێزیان و كه‌سوكار و هاوڕێيان و هاوكارانى خوالێخۆشبووم، له خواى مه‌زن داواكارم گيانى به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌مووان ببه‌خشێت.
نێچيرڤان بارزانى
سه‌رۆكى هه‌رێمى كوردستان
23/3/2025
کۆمێنت (0)
تا ئێستا هیچ کۆمێنتێک نەکراوە.