ئەم شەو بۆ ماوەی یەک کاتژمێر و لە کاتژمێر 8:30ی شەوەوە بە بۆنەی چالاکیی (کاتژمێری زەوی)یەوە، کوژانەوەی کارەبای سەرتاسەری لە هەرێمی کوردستان ڕوودەدات و تەواوی هەرێمی کوردستان تاریک دەکرێت، ئەمەش بە ئامانجی بەرزکردنەوەی ئاستی هۆشیاری گشتییە لەزۆرینەی وڵاتانی دونیا بەمەبەستی پاراستنی ژینگە و زەوی.
ئەمڕۆ شەممە 22ی ئاداری 2025، دەستەی پاراستن و چاككردنی ژینگەی هەرێم بڵاوی كردەوە: ئەم شەو چالاكیی (كاتژمێری زەوی) بەڕێوە دەچێت كە چالاكییەكی جیهانییە و بە بەشداریی زیاتر لە 170 وڵات، لە کاتژمێر هەشت و نیوی شەو ئەنجام دەدرێت.
ئاماژەی بەوەکردووە، ئەم ساڵ پڕۆسەکە لە هەولێر و سلێمانی ئەنجام دەدرێت، تێیدا تەواوی گڵۆپ و رووناككەرەوەكان بۆ ماوەی یەك کاتژمێر دەكوژێنرێنەوە و یەک پارچە دەبێتە تاریکی.
چالاکیی (کاتژمێری زەوی)، چالاكییەكی جیهانییە و بە بەشداریی زیاتر لە 170 وڵات، لە کاتژمێر 8:30ی شەو ئەنجام دەدرێت کە چالاكییه‌كه، خۆی له كوژراندنه‌وه‌ی ته‌واوی گڵۆپ و رووناككه‌ره‌وه‌كاندا بۆ ماوه‌ی یه‌ك كاتژمێر ده‌بینێته‌وه
ئەم چالاکییە، بۆ یەكەم جار لە ساڵی 2007 لە شاری سیدنیی ئوستڕالیا بەڕێوەچوو، بەڵام ئێستا لە 172 وڵاتی دونیا بەڕێوە دەچێت، مەبەست لەو چالاكییە؛ دروستكردنی پردی پەیوەندییە لە نێوان مرۆڤ و ژینگەكەی لە دونیادا، بۆ ئەوەی ببێتە هۆی بەرزكردنەوەی ئاستی هۆشیاری ژینگەیی تاكەكانی كۆمەڵگە و پاراستنی زەوی.
کۆمێنت (0)
تا ئێستا هیچ کۆمێنتێک نەکراوە.