له‌ رووسیا بۆ یادی نه‌ورۆز ئاهه‌نگێكی جه‌ماوه‌ری رێكخرا

كوردانی رووسیا بۆ به‌رز راگرتنی رۆژی نه‌ورۆز ئاهه‌نگێكی جه‌ماوه‌رییان رێكخست.  

له‌ یه‌كه‌م رۆژی نه‌ورۆزدا له‌ شاری مۆسكۆی پایته‌ختی رووسیا و به‌ به‌شداری كوردانی یه‌كێتی سۆڤیه‌تی پێشوو و نوێنه‌ری مەکتەبی پەیوەندییەکانی دەرەوەی پارتی دیموکراتی کوردستان ئاهه‌نگێكی جه‌ماوه‌ری رێكخرا. 

 کوردانی تاراوگە درێژە پێدەری کەلتوری جوانی کوردستانن و هەڵگری پەیامی ئاشتیخوازیین.

نوێنەری مەکتەبی پەیوەندییەکانی دەرەوەی پارتی نەوزاد محمد ووتاری پەیوەندەکانی دەرەوەی خوێندەوە و سڵاو پیرۆزبایی پارتی بە ئامادەبوان  و هەموو کوردانی ڕوسیا و ئاسیای ناوەڕاست گەیاند.

لە وتارەکەدا دووپاتی لە گرنگی و پیرۆزی بەرز ڕاگرتنی ڕۆژە نیشتیمانی و نەتەوەییەکانی كورد کرا، داوای کرد کە گرنگی بە زمان و کەلتووری کوردستان و نەوەکانی ئێستا بدرێت و ئاستی رۆشنبیرییان بەرز بکەنەوە و تێکەڵ بە کۆمەڵگایان ببن و ڕۆڵی ئەرێنی بەرچاو بگیرێن پاڵپشتی کوردستان بکەن.

 نوێنەری مەکتەبی پەیوەندییەکانی دەرەوەی پارتی لە بەشێکی دیکەی وتارەکەییدا جەختی لە سه‌ر هەماهەنگی زیاتر و به‌هێز كردنی پەیوەندی لە نیوان هه‌رێمی کوردستان و کوردانی دەرەوە نیشتیمان کردوە.