کمال محمەد ساڵح وەزیری سامانە سروشتییەکان بە وەکالەت پێشبینی دەکات هەناردەکردنەوەی نەوتی هەرێمی کوردستان پێش مانگی ئادار دەست پێ بکاتەوە.
وەزیری سامانە سرووشتییەکان بەوەکالەت، ئەمرۆ دووشەممە گوتی: بەربەستەکان بەرامبەر بە هەناردەکردنەوەی نەوت نەماوە و سەرۆک کۆماری عێراق واژۆی لەسەر هەموارکردنەوەی یاسای بودجە کرد.
گوتیشی: ئەوەی کە ماوە لەو نێوەندەدا ئامادەبوونی لایەنی تورکیایە، پێشبینی دەکەین کۆتا وادە بۆ دەستپێکردنەوەی هەناردەکردنی نەوت بگاتە مانگی داهاتوو.
وا بڕیاریشە ئەمشەو شاندێکی وەزارەتی نەوتی عێراقی فیدڕاڵی بگاتە هەولێر و سبەی سێشەممە کۆبونەوەکانیان بۆ رێکارەکانی هەناردەکردنەوەی نەوت دەست پێ بکات.
لە کۆتای ئاداری ساڵی 2023 هەناردەکردنی نەوتی هەرێمی کوردستان راگیراوە و بەو هۆیەشەوە نزیکەی 23 ملیار دۆلار زیان بەر عێراق و هەرێمی کوردستان کەوتووە.
کۆمێنت (0)
تا ئێستا هیچ کۆمێنتێک نەکراوە.