ههر له چوارچێوهى چالاكییهكانيدا له كۆنفرانسى ئاسايشى ميونشن، نيوهڕۆى ئهمڕۆ ههينى 2025/2/14 نێچیرڤان بارزانی، سهرۆكى ههرێمى كوردستان، له ديدارێكدا لهگهڵ هانز جۆرج ئهنگهلكه، وهزيرى دهوڵهت بۆ كاروبارى ناوخۆی ئەڵمانیا كۆبووهوه، له دیدارهكهدا باسيان له هاريكاريى هاوبهشيى ئهمنيى ئهڵمانيا لهگهڵ عێراق و ههرێمى كوردستان كرد .
ههردوولا جهختيان له برهودان به هاوكاريى ئهڵمانيا لهگهڵ لايهنه پهيوهنديدارهكانى عێراق و ههرێمى كوردستان دهربارهى پرسى كۆچبهران و كۆچى ناياسايى و ڕووبهڕووبوونهوهى تاوان كردهوه، ههروهها تيشكيان (خسته سەر) پهيوهندييهكانی نێوان ههولێر ـ بهغدا و دۆخى ناوخۆى عێراق و ههرێمى كوردستان .
له ديدارهكهدا وێڕاى سهركۆنهكردن، نێچيرڤان بارزانى، هاوسۆزيى خۆى بۆ گەل و دەوڵەتی ئهڵمانيا و كهسوكارى قوربانیانی هێرشه تيرۆرستييهكهى دوێنێ له ميونشن دهربڕى كه له ئهنجامى هێرشێك به ئۆتۆمبيل، ژمارهيهك هاووڵاتى بريندار بوون .
نێچيرڤان بارزانى و وهزيرى دهوڵهت بۆ كاروبارى ناوخۆی ئەڵمانیا كۆبوونهوه
100%
کۆمێنت (0)
تا ئێستا هیچ کۆمێنتێک نەکراوە.