د. ئومێد سەباح ئەندامی كۆمیتەی ناوەندیی (پ. د. ك) بەبۆنەی 26 ساڵەی دامەزراندنی (كوردستان تیڤی) پەیامێكی پیرۆزبایی بڵاوكردەوە و رایگەیاند، كەناڵی ئاسمانی كوردستان تیڤی خاوەن مێژوویەكی دیار و نموونەیەكی بەرچاو و جوانی پابەندبوونە بە ئیتكی رۆژنامەوانی و پیشەیی بوونەوە".
دەقی پەیامە پیرۆزباییەكەی د. ئومێد سەباح ئەندامی كۆمیتەی ناوەندیی (پ. د. ك) بۆ كوردستان تیڤی:-
بە ناوی خوای گەورە و میهرەبان
بەرێزان سەرپەرشتیاری رێگەپێدراو و ستاف و گشت كارمەندانی دەزگەی سەتەلایتی كوردستان،
بە بۆنەی (26)ـەمین ساڵیادی دامەزراندنی دەزگای سەتەلایتی كوردستان، گەرمترین پیرۆزباییتان ئاراستە دەكەم و هیوای بەردەوامی و پێشكەوتنی زیاترتان بۆ دەخوازم.
كوردستان تیڤی لە ماوەی 26 ساڵ تەمەنی پڕ بەخششی سەلماندوویەتی، كە یەكەمین كەناڵی ئاسمانییە توانیویەتی بە بەرنامە و بە پرۆسەیەكی خەمخۆرانە بێتە سەر گۆڕەپانەكە و بێ سرەوتن هەنگاوی ئەرێنیانە بنێ و قۆناغێكی نوێ لە كاروانی بواری میدیایی بخاتەوە و بەرەو پێشەوەی ببات.
كەناڵی ئاسمانی كوردستان تیڤی خاوەن مێژوویەكی دیار و نموونەیەكی بەرچاو و جوانی پابەندبوونە بە ئیتكی رۆژنامەوانی و پیشەیی بوون، ڕاستگۆیی لە گەیاندنی هەواڵ و دەنگ و مافەكانی گەلی كورد بە هەموو ناوچەكە و دونیا .
دووبارە پیرۆز بێت ئەم یادە و هیوادارم هەردەم بەردەوام بن لە گەیاندنی راستییەكان و پەیامی نەتەوەیی و نیشتمانی و پێكەوە ژیانی ئاشتییانەی گەلەکەمان.
براتان
د.ئومێد سەباح
ئەندامی کۆمیتەی ناوەندی پ.د.ک
کۆمێنت (0)
تا ئێستا هیچ کۆمێنتێک نەکراوە.