ئەمڕۆ پێنجشەممە بەرپرسێكی رێكخراوی تیرۆریستی داعش دەستگیر كرا كە پیشەی بەرپرسی گواستنەوەی چەك و پێداویستی بوو بۆ چەكدارانی داعش.
ئاژانسی هەواڵگریی سەربازیی عێراق بڵاوی كردەوە: ئەمڕۆ پێنجشەممە لە ئۆپەڕاسیۆنێكدا لە شارۆچكەی حەویجە لە سنووری پارێزگای كەركووك توانرا بەرپرسێكی رێكخراوی داعش دەستگیر بكرێت كە پێشتر داواكراو بووە بە ماددەی تیرۆر لەلایەن دادگاكانی عێراقەوە.
ئەو تیرۆریستەی دەستگیركراوە پیشەی بەرپرسی گواستنەوەی چەك و تەقەمەنی و پێداویستی خۆراك و پزیشكی بووە بۆ مەفرەزەكانی چەكدارانی داعش.
تیرۆریستەكە رادەستی لایەنی پەیوەندار كراوە بە مەبەستی لێكۆڵینەوە و سەپاندنی سزا بەسەریدا.
کۆمێنت (0)
تا ئێستا هیچ کۆمێنتێک نەکراوە.